गोड मुलीशी ओळख केली
झाला एवढाच गुन्हा
सुचला कसा कुणास ठाऊक
असला शहाणपणा
.
एकटेपणा, कंटाळा हे
मित्र झाले परके
वाईट्ट मेले चांगले विचार
जवळ येतात सारखे
.
थोडं काही चुकलं तर
शिक्षा आहे ठरलेली
गोड बोलणी खावी लागतात
साखरेत बुडवलेली
.
पोरकेपणाची चांगली भावना
गेली मला सोडून
दुष्ट प्रेम ममता यांच्यात
गेलो पार बुडून
.
भुतासारखा मानगुटीवर
बसलाय बघा गुन्हा
इतकं झालं तरी करावा
वाटतो पुन्हा पुन्हा
.
तुषार जोशी, नागपूर
१७ फेब्रूवारी १९९७
+९१ ९८२२२ २०३६५
कोणत्याही टिप्पण्या नाहीत:
टिप्पणी पोस्ट करा
ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: