ठिणगी

तुझ्या रूपाची ठिणगी पडली
अश्शी काही हृदयातं
कहर घाली अश्शी काही हृदयातं
हृदय धडधड वाजतंय
वेड्यागत वागतंय गं
धावतंय वेगातं, धरू मी कसे, धावतंय वेगात

नको नको म्हटले तरी
भिजवीती आठवण सरी
ज्वर तुझ्या प्रीतीचा हट्टी
चढतोय वेगातं, थांबवू कसे, चढतोय वेगात

विसरलो देह मी भान
लागली ओढ बेभान
वेडा पतंग झाले जगणे
पेटलेय मस्तीतं, अडवू कसे, पेटलेय मस्तीत

तुषार जोशी, नागपूर
२८ जून २०१२, ०८:००
+९१ ९८२२२ २०३६५
(चाल: कुन्या गावाचं आलं पाखरू)