सतत पुढे जा

सतत पुढे जा
तुझी वाट पाहत आहेत
शहरे प्रकाशाची
तुझ्या प्रगतीला सीमा आहे
फक्त आकाशाची

सतत पुढे जा
तुला नेहमी साथ आहेच
तुझ्या लोकांची
देवापुढे म्हटलेल्या
मंगल श्लोकांची

सतत पुढे जा
यशाच्या किर्तीच्या ही
पुढे पाऊल टाक
प्रेमाच्या सुगंधाने
जग व्यापून टाक

तुषार जोशी, नागपूर!
२९ जून २०१२, २२:००
+९१ ९८२२२ २०३६५

खपली - ४

आता तिला वाटले होते
जखम जरा धरतेय खपली
काय झाले कळेचना
पुन्हा सगळी जिद्दच खपली

कशी बशी धीराची दोरी
प्रयत्नांना लावून कसली
तरी तिचा अंत बघण्याची
परिस्थितीची चेष्टा कसली

हारूनही पुन्हा कितीदा
डाव नेटाने ती चकली
तरीही फारच कमी मिळाली
तिला तिच्या यशाची चकली

तुषार जोशी, नागपूर
१५ जून २०१२, ०८:४५
+९१ ९८२२२ २०३६५