रविवार, २२ डिसेंबर, २०१३

पाऊस

व्याकुळल्या बीजासाठी
तू चैतन्याचा हात
रूजण्याच्या महोत्सवाची
तू गंधमयी सुरवात

तू त्याच्या स्नेहसुधेच्या
अभिषेकाचे आवर्तन
बुजणाऱ्या तृणपात्याला
तू जगण्याचे आमंत्रण

तू आठवणींचा साठा
हळवी भासांची भुरभुर
तू ओढ सागर गहिरी
भेटाया उत्कट आतुर

~ तुष्की
नागपूर, २२ डिसेंबर २०१३, १७:५०

कोणत्याही टिप्पण्‍या नाहीत:

टिप्पणी पोस्ट करा

ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: