बुधवार, २४ जुलै, २०१३

टिटवी ला टिवटिव करते

ही टिटवी का टिवटिव करते?
ही टिटवी का टिवटिव करते?

काळजाची होई घालमेल
काय रात्रीच्या गर्भी असेल
डोळा लवतोय चिंता मनाला
समजावू मी कसे कुणाला
प्रीत माझ्या मनी हुरहुरते
ही टिटवी का टिवटिव करते?

साज शिनगार बसले सजून
भेटाया तो ना आला अजून
फोनवर भासला त्रासलेला
घोर त्याच्या नसूदे जिवाला
पाल भिंतीवरी चुकचुकते
ही टिटवी का टिवटिव करते?

~ तुष्की
नागपूर, २४ जुलाई २०१३, ०९:३०

कोणत्याही टिप्पण्‍या नाहीत:

टिप्पणी पोस्ट करा

ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: