रविवार, १२ मे, २०१३

बद्दी

तू अशी काही चोट लावायचास
की माझे सगळे कंचे
सैरावैरा व्हायचे
तुला बद्दीत कंचे टाकताना
फक्त पाहणे सुद्धा
भान विसरू लावायचे

आज सिग्नल वर
माझ्या एसी कारच्या खिडकीतून पाहिले...
तुला सायकल वरून जाताना...
आता ती खेळातली बद्दी
इतकी मोठ्ठी झाली आहे … … जणू दरीच भासतेय
तुझ्या माझ्या मधली.

~ तुष्की
नागपूर, १२ मे २०१३, १०:१५

कोणत्याही टिप्पण्‍या नाहीत:

टिप्पणी पोस्ट करा

ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: