वेड लागलेय मला खुळा झालो गं
खुळा झालो सावळ्या रंगावर
तू येशील भेटायला म्हणालीस
मी खूश आता माझ्याच भाग्यावर
पाहिले मी तुला लोकलमधे
मोकळे सोडून केस कुरळे
वाटले तिथेच मिळाली दुनिया
संपले क्षणात शोध सगळे
योगायोग म्हणू कसा गं सांग ना
मी बनलोय तुझ्याच साठी खरं
.
वेड लागलेय मला खुळा झालो गं
खुळा झालो सावळ्या रंगावर
तू येशील भेटायला म्हणालीस
मी खूश आता माझ्याच भाग्यावर
नाव तुझं मनात घिरट्या घालतं
लिहावं किती बघत रहावं किती
चित्त तुझ्या विचारांमागे धावतं
तुला क्षणोक्षणी स्मरावं किती
तू येशील म्हणून जपून ठेवलं
गुलाबाचं बघ फूल हसरं गोजिरं
.
वेड लागलेय मला खुळा झालो गं
खुळा झालो सावळ्या रंगावर
तू येशील भेटायला म्हणालीस
मी खूश आता माझ्याच भाग्यावर
~तुषार जोशी, नागपूर (+९१ ९८२२२ २०३६५)
२७ मे २०१२,१९:३०
कोणत्याही टिप्पण्या नाहीत:
टिप्पणी पोस्ट करा
ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: