रविवार, ५ ऑगस्ट, २०१२

किती तरी दिवसात

किती तरी दिवसात आपली
भेटच झाली नाही
रात्री अपरात्री घोटून
कॉफीच केली नाही
.
कांदे भजी खाता खाता
गप्पा रचल्या नाही
तुझ्या भावविभोर शब्दात
कविता सजल्या नाही
.
तार स्वरात वा~यावरती
सूर फेकले नाही
काहितरी करायला पाहिजे
असे ऐकले नाही
.
भटाबिटांच्या कवितांची पण
छेड काढली नाही
सगळे मिळून अरे वेड्या
पत्र वाचली नाही
.
किती तरी दिवसात लेका
तुला भेटलो नाही
शहाण्यासारखा वागत गेलो
वेडाच झालो नाही
.
.
तुषार जोशी, नागपूर

1 टिप्पणी:

  1. किती तरी दिवसात लेका
    तुला भेटलो नाही
    शहाण्यासारखा वागत गेलो
    वेडाच झालो नाही

    खरंच कधी तरी असं वेडं व्हावं प्रत्येकानं.

    प्रत्युत्तर द्याहटवा

ही कविता वाचून तुम्हाला कसे वाटले? पटली का? काही जुने अनुभव ताजे झाले का? आवडली का? तुम्हाला पण काही लिहावेसे वाटले का? इथे तुमचा अभिप्राय लिहून जा: